English
Scotlands History
Bàs Theàrlaich I (30 Faoilleach 1649)
Bha Teàrlach I a' riaghladh bho 1625 gu 1649. Bha a riaghladh làn strì, gu mòr air sgàth 's gu robh e a’ feuchainn a-rithist agus a-rithist ri a thoil a bhruthadh air an dùthaich le làmhachas- làidir gun aire a thoirt do chomhairle na Pàrlamaid.
An dèidh ciad Cogdh Sìobhalta Shasainn bha a' Phàrlamaid an dùil gun gabhadh e rin tagraidhean airson monarcachd reachdail a stèidheachadh. Cha do thachair seo, agus air sgàth sin thachair dàrna cogadh sìobhalta. Chaill e a-rithist agus chaidh a chur an grèim. An turas seo chaidh fheuchainn agus fhaighinn ciontach de mhòr-bhrathadh.
Chaidh an rìgh a chur gu bàs ann an 1649. Chaidh a' mhonarcachd a chur à bith an uair sin agus chaidh poblachd air an robh Co-fhlaitheas Shasainn, na h-Alba agus na h-Èireann – no an Cromwellian Interregnum – a stèidheachadh. Sheas an co-fhlaitheas gus an deach a' mhonarcachd ath-stèidheachadh ann an 1660.
-
Lorg an sgrìobhainn sa bheil mion-chunntas mu òraid dheireannach an Rìgh agus mu mar a chaidh a chur gu bàs air an là uabhasach ud ann an 1649. -
Ciamar a b' urrainn do dhùthaich a Rìgh a chur gu bàs? Lorg na bha air cùl àm air leth ann an eachdraidh Bhreatainn le artaigeal ann am ‘BBC History’ leis an Ollamh Anna Hughes.
-
Rannsaich cùirt agus bàs an Rìgh Teàrlaich I agus leugh pìosan de chunntasan cho-aimsireil mun chùirt.
-
B' e Teàrlach a' chiad Rìgh a chaidh tro chùisean foirmeil lagha ann an Àrd Chùirt a' Cheartais. Faic barrantas-bàis Theàrlaich I agus Bile nan Còirichean a thàinig às dèidh sin, a' dìon ceannasachd na pàrlamaid.
Find us on