English
Scotlands History
Lùchairt Taigh an Ròid
Cha do dh'fhuirich Màiri Banrigh na h-Alba aig Lùchairt Taigh an Ròid ach beagan bhliadhaichean. B' iad cuid de na bliadhnaichean bu mhotha anns na thachair ann an eachdraidh na h-Alba.
Aig deireadh na 15mh linne deug, bha Seumas IV air lùchairt òrdachadh aig Taigh an Ròid an àite an taigh-aoigheachd a bha ri taobh na h-Abaid. Thog athair Mhàiri, Seumas V, tùr mòr, mòr agus lìon e seòmraichean taobh staigh na lùchairt le àirneis loinnreach; dha na mnathan Frangach aige.
Nuair a thàinig Màiri Banrigh na h-Alba chun a' chaisteil an 1561 roghnaich i fuireach anns na seòmraichean far an robh a màthair, Marie de Guise, air a bhith a' fuireach. Eadar 1561 agus 1567 chuir Màiri fàilte air urrachan mòra, chuir i air chois masgain, air an robh meas agus a bha dòrainneach, san lùchairt. Choinnich i ri Iain Knox ann an sreath de choinneamhan connspaideach. An toiseach phòs i am Morair Darnley agus an uair sin Bothwell aig Taigh an Ròid. Chaidh an rùnaire pearsanta aice Daibhidh Rizzio, a mhurt gu brùideil an sin agus chaidh maoidheadh air beatha Mhàiri.
'S e Lùchairt Taigh an Ròid an t-àite-còmhnaidh oifigeil a tha aig a' Bhanrigh an Alba.
Faodaidh luchd-turais, buidhnean-sgoile nam measg, a dhol mun cuairt nan seòmraichean far an robh Màiri Banrigh na h-Alba a' fuireach, nam measg an seòmar-leapa aice agus seòmar beag na suipeir às an deach Rizzio a shlaodadh gu bhàs. Tha buidheann-foghlaim, seòmar- foghlaim agus prògraman-ionnsachaidh aig an lùchairt airson clann fo aois na sgoile, bhun-sgoiltean agus àrd-sgoiltean.
Brùth air an ìomhaigh airson dealbh nas motha fhaicinn.
Download Adobe Flash Player to listen to the audio online.
Eist ri Port Ruairidh Dhoill, pìos de cheòl clàrsaich a chaidh fhoillseachadh san ochdamh linn deug, ach ’s iongantach mur deach a sgrìobhadh fada roimhe sin agus cruth eile chur air. Dh’fhàs am fonn ainmeil nuair a chleachd Raibeart Burns e mar a’ chiad fhonn a bha air ‘Ae Find Kiss’.
-
'S e àite-fuirich oifigeil na Bànrighe ann an Alba a th' ann an Lùchairt Taigh an Ròid ann an Dùn Èideann. Faigh a-mach tuilleadh mu Lùchairt Taigh an Ròid air làrach-lìn oifigeil aig Monarcachd Bhreatainn. Tha an duilleag seo sgrìobhte ann an Gàidhlig.
-
Dèan sgrùdadh air clàr làrach Lùchairt Taigh an Ròid le ‘Royal Commissions on the Ancient and Historical Monuments of Scotland’. Rannsaich notaichean arc-eòlach, ìomhaighean didseatach agus nithean fìor mun dachaigh rìoghail eachdraidheil seo ann an Dùn Èideann.
-
Dèan sgrùdadh air duilleag-sgoile Lùchairt Taigh an Ròid. Faigh a-mach mun ionad foghlaim ’s mu na prògraman ionnsachaidh aca a tha freagarrach airson raon farsaing de aoisean ’s de chomasan.
-
Gabh cuairt mheanmnach tro sheòmraichean Màiri Banrigh na h-Alba aig Taigh an Ròid agus faic nithean ann an taisbeanadh a’ Chruinneachaidh Rìoghail.
-
Tadhail air Lùchairt Taigh an Ròid an Dùn Èideann, dachaigh Màiri Banrigh na h-Alba. Lorg fiosrachadh mu thiceadan, chuairtean bhuidhnean agus ghnìomhan teaghlaich airson na togalaich eachdraidheil seo le làrach-lìn a’ Chruinneachaidh Rìoghail.
Find us on