Màiri air a breith

Rugadh Màiri I na h-Alba ann an Lùchairt Linlithgo air an 7mh là den Dùbhlachd 1542 - dìreach sia là mus do chaochail a h-athair Rìgh Seumas V.

Bhon mhionaid a rugadh i bha na buidhnean Albannach (a bha air taobh Shasainn 's na bha air taobh na Frainge) gu cuilbheartach a' feuchainn ri làmh an uachdair fhaighinn oirre. B' e Seumas Hamilton, 2mh Iarla Arainn an Tàinistear a bha aig Màiri airson a' chiad 12 bliadhna de a beatha.

Nuair nach robh i ach sia mìosan a dh'aois gheall Cùmhnantan Ghreenwich gum biodh Màiri pòsta aig an fhear a bhiodh fhathast mar Rìgh Eideard VI Shasainn. Bha màthair Mhàiri gu làidir an aghaidh sin agus chaidh i fhèin 's a nighean air falach aig Caisteal Shruighlea.

Nuair nach robh i ach naoi mìosan a d'aois chaidh Màiri Banrigh na h-Alba a chrùnadh san Eaglais Rìoghail aig Casteal Shruighlea. Tha e coltach gun deach an t-seirbheis ullachadh ann an cabhaig agus gu robh i sòlamaichte, gun mhòran aoibhneis. Cha robh am buidheann a bha air taobh Shasainn an làthair.

Èist ri Suipear Lude, fonn clàrsaich a thàing a-nuas  tro iomadh ginealach de theaglach MhicDhonnchaidh Thaigh Lude ann an Siorrachd Pheairt. 'S ann de shliochd Beatrix Gardyne a tha clann Mhic Dhonnchaidh - bha buaidh cho mòr aig an cuid tàlant-ciùil air Màiri Banrigh na h-Alba ’s gun tig i a clàrsach àlainn fhèin do Bheatrix.