Scotlands History

Somhairle, Rìgh Nan Eilean

Bha Somhairle na cheannard air na h-Eileanan anns an 12mh linn. Bha Somhairle, a' ciallachadh ‘fear-turuis an t-samhraidh’ ainm a bha cumanta aig na Lochlannaich. Thòisich Somhairle na fhear-riaghlaidh air Ceann Tìre agus ann an 1140 phòs e Raghnailt, nighean Olaif, Rìgh Mhanainn agus nan Eilean.

Ann an 1153 chaochail Daibhidh I Alba agus Olaf Mhanainn. Cha robh spèis aig daoine dha Godred II Olafsson, rìgh ùr Mhanainn.Bha Somhairle air ceann ar-a-mach an aghaidh Ghodreid. Bha e air ceann cabhlaich le còrr air caogad bàta-cogaidh na aghaidh. Theich Godred gu Nirribhidh agus rinneadh Somhairle na Rìgh air Manainn agus air na h-Eileanan.

Aig an àm sin thàinig na Gàidheil agus na Lochlannaich gu bhith fo aon thighearna agus le sin bha an aon chultar aca. Thugadh an t-ainm Gall-Ghàidheil orra.

Shuidhich Somhairle Abaid Shadeil ann an 1164. Chaidh a mharbhadh ann am blàr aig Rinn Friù an aghaidh Rìgh Calum IV. B' e sliochd Shomhairle a bh' ann an Tighearnan nan Eilean, agus b' e Aonghas Òg Ìle aon dhiubh a bha ann an cath còmhla ri Raibeart am Brusach.

  • dealbh den ghrian ag èirigh ann an Caol Mhuile

Brùth air an ìomhaigh airson dealbh nas motha fhaicinn.