English
Scotlands History
Constantin II - Constantín mac Áeda (d. 952 AD)
'S e ogha Choinnich MhicAilpein agus mac Aed a bha ann an Constantin agus rugadh e mu 878. Chaidh e air rìgh-chathair na h-Alba ann an 900 nuair a chaochail a cho-ogha Dòmhnall II.
Bha Constantin a' riaghladh bho 900 gu 943, nuair a leig e le Calum I, mac Dhòmhnaill II a bhith na rìgh. Anns na làithean sin 's e ùine glè fhada bha ann an ceathrad agus trì bliadhna airson a bhith air an rìgh-chathair. Cha robh ach Uilleam an Leòghann na b' fhaide air an rìgh-chathair (49 bliadhna) gus an robh Aonadh nan Crùn ann ann an 1603.
Tha fathannan agus deasbad gu leòr ann mu dheidhinn dè thachair nuair a bha Constantin II a' riaghladh. Tha a' mhòr-chuid a' gabhail ris guir ann nuair a bha e air an rìgh-chathair a ghluais a' chùis air adhart bho Rìoghachd Chruithnich gu Rìoghachd na h-Alba.
Chuir e stad air a' chunnart a bha a' tighinn bho na Lochlannaich le sìth a shireadh nuair a phòs an nighean aige Olaf Gudfridsson, Rìgh Lochlannach Bhaile Atha Cliath. Rinn Constantin II co-chòrdadh ri Olaf agus ri Breatannaich Shrath Chluaidh airson gum briseadh iad a-steach air Rìoghachd Aethalstein. Rinn Aethelstan a' chùis orra aig Blàr Bhrunainburh ann an 937. Chaill mac Chonstantin a bheatha anns a' bhlàr.
Leig Constantin seachad an crùn ann an 943 agus thòisich e air beatha mar mhanach ann an Cill Rìmhinn. Chaochail e agus chaidh a thiodhlacadh ann an Cill Rìmhinn ann an 952.
-
Bho bhith na ghille Cruithneach gu bith na phrionnsa Gàidhlig, lorg eachdraidh Chonstantine mar oighre dligheach a’ chrùin. Sònraich prìomh phuingean san riaghladh aige mar rìgh na h-Alba agus ionnsaich tuilleadh mu bhagradh ionnsaigh bho na Sasannaich, le stòrasan ‘BBC Scotland’s History’, sa bheil criomagan bhidio agus artaigeal.
-
Tha Alex Woolf ag innse mu chrìonadh Riaghladh nan Lochlannach, mu mar a dh’èirich Alba, an rìoghachd Ghàidhlig, agus mun chiad cheangal ri rìoghachd Shasainn, mar a nochd ‘Alba’ an toiseach. Cead bho ‘Google Books’.
-
Dèan coimeas is iomsgaradh eadar an t-Eadar-theangachadh Litireil san t-Seann Bheurla agus an t-Eadar-theangachadh aig Tennyson air 'The Battle of Brunanburh' san ‘Victorian Web’.
-
Leugh an dàn ag innse mu 'The Battle of Brunanburh', tachartas cultarach a bha glè chudromach sna Linntean Dorcha ann am Breatainn. Lorg an stiùireadh pdf seo le eadar-theangachadh loidhne bho loidhne, beachdan cànain agus notaichean a bharrachd.
Find us on