Borghan

'S e tha ann am borgh baile aig a bheil fèin-riaghladh. An-diugh chan eil ann am borgh ach tiotal deas-ghnàthach, ach nuair bha borghan air an stèidheachadh an toiseach bha còirichean agus cumhachdan sònraichte aca. Bha còir aca a bhith air an riochdachadh anns a' phàrlamaid agus bha a bhun-reachd fhèin no ‘sett’ aig gach fear dhiubh, a bha ag innse dè na cumhachdan bha am borgh air fhaighinn bhon rìgh agus dè na dleastanasan bha am borgh a' gealltainn a choileanadh.

Bha riaghailtean ann an Achd nam Borghan Rìoghail, 1183, ag innse dè an seòrsa structar bu chòir a bhith air comhairle agus dè mar bu chòir taghaidhean a bhith air an cuairteachadh. Bha na riaghailtean ceudna a’ buntainn ri gach borgh.

Stèidhich Daibhidh I a' chiad Bhorghan Rìoghail, a' tòiseachadh le Bearaig. Ann an 1130 bha barrachd bhorghan ann le Sruighlea, Dùn Phàrlain, Obar Dheadhain, Peairt, Sgàin agus Dùn Èideann san liosta.

Brùth air an ìomhaigh airson dealbh nas motha fhaicinn.