Walter Scott a’ lorg nan Seud

B' e sgrìobhadair ainmeil Albannach a bh' ann an Ualter Scott. Is ann airson nan nobhailean mìorbhaileach eachdraidheil as fheàrr a dh'aithnichear e. B' e Waverley a' chiad fhear (1814). Bha an ùidh mhòr a bh' aige anns na chaidh seachad de eachdraidh na h-Alba a' toirt air a bhith a' smaoineachadh gu robh Seudan na h-Alba a bha a dhìth o chionn fhada ann an Caisteal Dhùn Èidinn, agus chuir e air chois Coimisean airson an lorg.

Barrachd air 100 bliadhna ron seo ann an 1707, bha an t-Aonadh eadar Pàrlamaid na h-Alba agus Pàrlamaid Shasainn ag ràdh gu feumadh an Crùn, Claidheamh na Stàit’ agus an t-Slat-Shuaicheantas an-còmhnaidh fuireach ann an Alba. Ach gun fhios nach tigeadh na Seudan gu bhith a' samhlachadh fèin-riaghladh Albannach bha iad air an cur air falbh gu sàbhailte ann am bogsa-dìon ann an Rùm a' Chrùin ann an Caisteal Dhùn Èidinn - glaiste gu daingeann le dorsan trom dùbailte, agus bha an iuchair ‘air chall’ fad còrr air 100 bliadhna.

Ann an 1818 rinn Scott tagradh ri Prionnsa a' Chrùin cead a thoirt an rùm agus a' chiste fhosgladh. Paisgte ann an lion-aodaich an sin bha Seudan na h-Alba, sàbhailte gun mhilleadh.

Chan eil Seudan Crùin anns an Roinn-Eòrpa cho sean ri Seudan Crùin na h-Alba. An-diugh tha iad a-rithist rim faicinn ann an Rùm a' Chrùin, ann an Caisteal Dhùn Èidinn agus tha iad air an gleidheadh gu cùramach an sin.

Brùth air an ìomhaigh airson dealbh nas motha fhaicinn.