Linn Bhictòria

Bha a' Bhanrigh Bhictòria (1819-1901) a’ riaghladh airson faisg air 64 bliadhna: b' i a' Bhanrigh Bhreatannach a b' fhaide a bha a' riaghladh. B' e bliadhnaichean le iomairtean mòra, fàs ann an àireamh-sluaigh, glòir-mhiann agus taisbeanaidhean mòra airson an adhartas-gnìomhachais seo a shealltainn a bh' ann an linn Bhictòria.

Dh'atharraich dòigh-beatha dhaoine gu mòr, agus ghluais mòran dhaoine do na bailtean agus do na bailtean mòra. Bha atharrachadh mòr ann a bhith a' dol bho fhìor bhochdainn ann an àitean-fuirich gu àrainneachd le àile ghlan. Bha mòran shearbhantan air mhuinntearas aig teaghlaichean math-dheth rè Linn Bhictòria, fhad 's a bha sluagh an ìre mhath beartach a' strìth ri gluasad bho bhochdainn ann an dachaighean air sràidean air iomall a' bhaile agus iad làn àirneis-taighe trom.

Bha teaghlaichean mòra air am meas ionmhiannaichte. Bha deichnear chloinne no barrachd aig cuid, bha naoinear aig a' Bhanrigh.

B' urrainn do dhaoine siubhal mar a bha obair-rèile air a leasachadh, agus bha bathar bho dhùthchannan eile a' fàs na bu chumanta. Bha pasgan-siubhail airson làithean-saora thall-thairis air an dealbh dha na daoine beartach; b' urrainn dhut a dhol tarsainn a' Chuain Sgìth air bàta mòr a bhiodh tric air slighe cuain;  bha ciad-tòiseachadh telegraf agus fòn ann; agus ghiorraich Canàl Shuez (1869) an t-slighe aig muir do na h-Innseachan mu 7000 mìle.

Bha buidheann de dh'Albannaich ri linn Bhictòria aig fìor thoiseach an adhartais-sa le innealan ùra agus fiosrachadh ùr. Nam measg bha Seumas Clark Maxwell (solas agus soillseachadh radiation), Seumas Simpson (an-fhaireachdair), Alasdair G Bell (am Fòn), Alasdair Bain (telegraf), Seumas Nasmyth (òrd-smùide), Seumas Dewar (buideal-vacuum), Iòseph Lister (Loit-leigheas), Daibhidh Brewster (mar a tha slighe gathan na grèine suidhichte) agus Raibeart Brown (cealla niùclach).

Brùth air an ìomhaigh airson dealbh nas motha fhaicinn.