Clann mar thràillean

Leis an Atharrachadh ann an Saoghal a' Ghnìomhachais bha barrachd stuthan air an dèanamh na bu shaoire agus na bu phailte ach bha iad cosgail dhan t-sluagh.

Mar bu tric cha robh roghainn aig cloinn ach a bhith a' leantainn am pàrantan a-steach do fhactoraidhean no do mhèinnean airson obair a lorg.

Ann an 1802 chaidh Achd tron Phàrlamaid airson suidheachaidhean a leasachadh, ach bha Achd eile ann ann an 1819 a bha gu sònraichte airson clann a bha ag obair ann am muilnean a' chotain a chuideachadh. Ach cha robh tè seach tè dhiubh soirbheachail, oir cha deach luchd-sgrùdaidh fhastadh airson na laghan a dhaingneachadh. Ann an 1832 rinn Coimisean Rìoghail àireamh air na bh' ann de dhuilgheadasan: bha e soilleir gu robh clann air an glasadh a-staigh, air am bualadh - gu robh iad ag obair 12 uair san là, agus a' call corragan anns na h-innealan.

Mu dheireadh bho Achd nam Factoraidh ann an 1833 b' e clann a bha còrr air naoi a dh’fhaodadh a bhith ag obair, agus bha tràthan-bìdh aca de uair a thìde gu leth gach là, dà là slàn de làithean saora agus ochd leth-làithean gach bliadhna agus bha foghlam ann dhaibhsan a bha ag obair pàirt-ùine - agus dh’fhaodadh factoraidhean a bhith air an sgrùdadh aig àm sam bith. 

Brùth air an ìomhaigh airson dealbh nas motha fhaicinn.