English
Scotlands History
Tràillealachd agus Malairt Thràillean
Tha tràilleachd air a mhìneachadh mar a bhith a' ceannach agus a' reic dhaoine mar bhathar. Cha robh còirichean sam bith aig tràillean, oir b' ann le an luchd-seilbh a bha iad. Bha a' mhòr-chuid de mhalairt Bhreatainn ann an tràillean, bho Afraga an Iar gu Ameireaga a Tuath agus na h-Innseachan an Iar.
Bha e goireasach gum biodh na soithichean a bha a' toirt nan tràillean à Afraga an Iar a' tilleadh a Bhreatainn luchdaichte le tombaca, agus bathar Aimearaganach eile. Chaidh stad a chur air malairt thràillean, le Achd Pàrlamaid ann am Breatainn ann an 1807 ach cha do chuireadh bacadh air tràillealachd fhèin ann am Breatann, gu 1838.
Às dèidh ar-a-mach 1745, theich mòran de Sheumasaich na h-Alba às an dùthaich airson a bhith nan ceannardan thràillean, air àiteachaidhean anns na h-Innseachan an Iar. Bha iad air an tarraing cuideachd, gu Ceann a Deas Ameireaga, far an robh stàitean mar Virginia, Carolina agus Georgia a' leasachadh eaconamaidh stèidhichte air àiteachaidhean thràillealachd. Bha an Gall, Raibeart Burns air fear den mhòran eile a bh' air an tàladh mar sin: ann an 1786, cha mhòr nach do rinn an duine a sgrìobh, 'A man's a man for a’ that', eilthireachd gu Iameuca.
Rinn Barain Thombaca agus ceannaichean Ghlaschu prothaid à malairt thràillean, mar a rinn ceannaichean Lunnainn, Liverpool agus Bhristoil.
B' e mac fear-seilbh thràillean à Alba agus a bhana-mhaighstir Rosanna, bana-thràill ann an Iamaica, a bh' ann an Raibeart Wedderburn (1762-1835).
B' esan a' chiad fhear a thòisich an t-strì airson còirichean nan daoine dubha, ann am Breatann. B' e tràill cuideachd a bh' ann an Iòseph Knight. Rugadh esan ann an Afraga, ach chaidh a reic ri Albannach. Ann an 1769, thug a mhaighstir a Bhreatainn e, ach theich e bhuaidhe. Chuir a mhaighistir an làmhan an lagha e an uair sin, ach shaor an siorraidh ann am Peairt e, ag ràdh, 'Chan eil na laghan a thaobh thràillean a tha a' seasamh ann an Iameuca, idir a' ruighinn air an rìoghachd seo'. B' e seo cuideachd, co-dhùnadh Cùirt an t-Seisein ann an Dùn Èideann.
LTS - Scotland and the Abolition of the Slave Trade
Faigh a-mach mu àite Alba ann am malairt thràillean agus mu mar a chaidh cur às dha.
-
Lean slighean fiùghantach tro Afraga, tron Charibbean ’s tro Bhreatainn le teacsa, ìomhaighean is clàistinn airson rannsachadh mar a chuireadh às do thràillealachd Bhreatainn, le cead bhon BhBC.
-
Lorg na cruinneachaidhean ann an Tasglannan is Trusaidhean Sònraichte Baile Ghlaschu mu eachdraidh dhubh 's mu thràillealachd. Rannsaich an taisbeanadh farsaing air-loidhne mar phàirt de Mhìos na h-Eachdraidhe Duibhe.
-
Rannsaich na lèirmheasan eachdraidheil seo mu àite Alba ann am malairt thràillean 's mar a chaidh cur às dha. Leugh caibideilean mionaideach mu gach nì bho shlighean malairt gu dìleaban maireannach.
-
Cleachd an stòras teagaisg air-loidhne seo an-asgaidh bho ‘Understanding Slavery Initiative’. Fìor mhath do thidsearan is luchd-foghlaim ag ullachadh leasain mu mhalairt thràillean thar a’ chuain-shiair, le stòrasan ag amas air daoine òga aig prìomh ìre 3 is 4 ann am foghlam.
Find us on