English
Scotlands History
Raibeart Burns
'S e Raibeart Burns, ‘an treabhaiche a bh' air a theagasg o nèamh’, am bàrd Albannach as cliùitiche gu nàiseanta gun teagamh sam bith. Dh’fhaodadh gun d' rugadh e ann am bochdainn dhùthchail, mac tuathanach-gabhaltais, ach bha e gu cinnteach na fhìor thoradh air an t-Soillseachadh Albannach - tùrail, pongail, a rinn mòran leughaidh agus duine foghlamaichte.
Nuair a dh’fhoillsich e ‘Poems Chiefly in the Scottish Dialect’ (1786) an clò-bhualadh Chille Mharnaig, fhuair an leabhar deagh ghabhail ris. Chaidh a h-uile 612 lethbhreac a reic ann am beagan sheachdainean. Mhisnich seo am bàrd gus obair a thoirt a Dhùn Èideann, far an robh e a' coinneachadh ri ceannardan co-chomann an litreachais. Dh’fhoillsich e cuideachd, clò-bhualadh ùr de obair, a choisinn dha an t-airgead air an robh e a' cur feum airson cuairtean a ghabhail mu na Crìochan agus tron Ghàidhealachd. Aig a' cheart àm, bha obair ga moladh leis an luchd-sgrùdaidh agus thàinig e gu bhith na dhuine iomraiteach ann an ùine glè ghoirid.
Tha bàrdachd Burns sgrìobhte bhon chridhe, biodh i ann an Albais no ann am Beurla agus tha i a' ruighinn air a h-uile duine, an duine cumanta cho math ri luchd-litreachais. Gu dearbha, a dh’aindeoin mar a tha e a' cleachdadh Albais, tha i a' tarraing dhaoine air feadh an t-saoghail: tha bàrdachd Burns air a h-eadar-theangachadh nas trice agus nas fharsainge na obair sgrìobhadair Albannach sam bith eile.
Dh’fhaodadh gur e na h-òrain gaoil na rannan as ainmeile a sgrìobh e: òrain mar ‘Ae fond kiss’, agus ‘O my luve is like a red, red rose, ’ach sgrìobh e cuideachd, bàrdachd phoblach nas sòlaimte, a' cur an cèill cheangalaichean dheamocratach, fharsaing, bhràthaireil: òrain mar ‘Auld Lang Syne’, agus ‘Is there for honest poverty?’
Feumar cuimhneachadh gun deach iad seo a sgrìobhadh aig àm Ar-a-mach na Frainge, nì a thug brìgh na bu gheòire do bheachdan sòisealta a' bhaird.
-
Dealbh agus fiosrachadh mu Raibeart Burns air an làrach-lìn Bliadhna nan Òran.
-
Cuimhnich 250 bliadhna Raibeart Burns còmhla ris a' BhBC. Rannsaich an tasglann ach an cluinn thu Albannaich ainmeil ag aithris Burns, lorg prògraman TBh ‘BBC Scotland’ agus theirig gu ‘Completely Burns’ leis a’ phodcast sheachdaineil.
-
Dèan sgrùdadh air a' chiad làrach-lìn a bheir cothrom dhut cruinneachadh nàiseanta de ionmhas co-cheangailte ri Raibeart Burns a rannsachadh. Lorg gailearaidh air-loidhne, cuairtean inntinne, mòran dhàin is òrain an cois stòrasan clas agus ceangalan bho muigh.
-
Bha buaidh mhòr aig Raibeart Burns air saoghal litreachais agus thàinig e gu bhith fionnsgeulach ann an eachdraidh. Sgrùd stuth Leabharlann Nàiseanta na h-Alba co-cheangailte ri ‘Bàrd Alba’. Thoir ruith air na Nithean Sònraichte, le cuideam air stòrasan brìgheil mar litrichean tùsail, bàrdachd agus leabhraichean.
-
Bi aig cridhe cuimhneachan 250 bliadhna air breith Burns le Urras Nàiseanta na h-Alba. Faigh a-mach tuilleadh mu ath-leasachadh ‘Burns National Heritage Park’ ann an Alloway, Siorrachd Àir, agus taigh-tasgaidh ùr anns a bheil an cruinneachadh as cudromaiche san t-saoghal de stuth Burns.
Find us on