English
Scotlands History
Maes Howe
Chaidh Maes Howe a thogail mus do thogadh pioramaidean mòra na h-Èipheit. Tha e na fhìor dheagh eisimpleir de dh’uaigh seòmarach no carragh tiodhlacaidh. Tha e faisg air Stromness ann an Arcaibh. Chaidh iomradh a thoirt air mar ‘eisimpleir cho math ’s a tha ann dhen ailtireachd iongantach a bha aig an t-sluagh ro-eachdraidheil ann an Alba’.
Thogadh Maes Howe mu 2800 RC agus bha e aig cridhe Arcaibh ann an Nuadh Linn na Cloiche. Chan eil e fada bho Skara Brae agus Cearcall Bhrodgar.
Chaidh na seòmraichean agus an trannsa a tha a' dol a-steach a Mhaes Howe a thogail le leacan cloiche mòra, mòra. Chaidh an cnapadh agus an cur nan àite gu cùramach. Tha an trannsa fhada air a suidheachadh na leithid de dhòigh agus gu bheil a' ghrian a' deàrrsadh troimhpe gu dìreach aig àm grian-stad a' gheamhraidh agus a' lasadh a' phrìomh sheòmair.
Tha Maes Howe cuideachd ainmeil airson graffiti. San 12mh linn, gheàrr ruagaire Lochlannach rannan ann am ballachan cloiche a' charraigh. (Bha na h-uaighean 4000 bliadhna a dh’aois ann an 1200 AD.) Tha aon ghràbhaladh ag ràdh ‘Bha Helgi an seo’. Tha fear eile ag innse gun do bhris taistealaich, a bha air an slighe eadar Nirribhidh agus Ierusalem, a-steach dhan uaigh.
Brùth air an ìomhaigh airson dealbh nas motha fhaicinn.
Download Adobe Flash Player to listen to the audio online.
Title
Neolithic ritual - bullroarers
Listen to bullroarers, an ancient ritual musical instrument possibly used in Neolithic times.
-
Criomag bhidio bho ‘BBC Learning Zone’ mu rùnaichean is dhealbhan a dh’fhàgar aig Maes Howe le fianais mu bheatha Lochlannach. (Ann am Beurla).
-
Fiosrachadh mu làrach-lìn Alba Aosmhor mu thuaim seòmrach mòr Maes Howe an Arcaibh. Ainmeil mar an togalach Neolithic as fheàrr an iar-thuath na h-Eòrpa, chaidh a thogail bho chionn 5000 bliadhna. (Ann am Beurla).
-
Mion-chunntas mu thogail is eachdraidh tuaim seòmrach Maes Howe air an làrach-lìn seo mu dhualchas Arcaibh. San fhiosrachadh tha dealbhan de na seòmraichean a-staigh, na rùnaichean agus dràgon Maes Howe.
-
Uile mu dheidhinn Arcaibh ann an Nuadh Linn na Cloiche – le fiosrachadh mu làraichean is carraighean mòra an àite, làraichean air nach eilear cho eòlach agus mòran làraichean nach deach a chladhach air feadh an àite. (Ann am Beurla).
-
Làrach-lìn le cur-a-steach geamhrachail agus dealbhan bho Mhaes Howe de ghrian-stad a’ geamhraidh, nuair tha solas na grèine a’ deàrrsadh a-steach do phrìomh fhosgladh a’ charraigh. Ceangalan ri stuth bho chàrn seòmrach coltach ann an Èirinn a’ sealltainn a ghrian-stad geamhraidh agus ri làrach-lìn dealbh-thogail malairteach. (Ann am Beurla)
-
Fiosrachadh air làrach-lìn ‘Scotland’s History’ a’ BhBC mun euchd togail as motha aig Albannaich Nuadh Linn na Cloiche: càrn seòmrachail Maes Howe ann an Arcaibh. (Ann am Beurla).
Find us on