English
Scotlands History
Calanais
'S e làrach mòr de dh'arc-eòlas bho Linn an Umha a tha ann an Calanais air taobh an iar Leòdhais ann an Innse Gall. Am meadhan an làraich, tha cearcall iongantach de 13 tursachan mòra timcheall air aon tursa àrd (4.75m) sa mheadhan.
A' sìneadh a-mach às a' chearcall seo chun an ear, chun an iar agus gu deas, tha loidhnichean chlachan ann an cruth croise, le loidhne dhùbailte de chlachan gu tuath. 'S e leacan mòra de gneiss Leòdhais às an sgìre fhèin a tha anns na clachan agus tha iad air an suidheachadh ann am mòintich.
Tha am meatair gu leth as ìsle dhe na clachan gu math nas soilleire na a' chuid as àirde seach gun robh iad shìos anns a' mhòine gu 1857.
Thathar dhen bheachd gun deach an làrach a dhealbh agus a chleachdadh airson deas-ghnàthan co-cheangailte ri gluasad nan reultan, na gealaich agus na grèine: mar nàdar de bheachdlann reul-eòlais agus mar àite cruinneachaidh.
Tha an làrach a' dol air ais gu àm ro 2000 RC – mun aon àm ri Cearcall Bhrodgar ann an Arcaibh.
-
Làrach-lìn mu dheidhinn na clachan ainmeil aig Calanais.
-
Cruinneachadh de dhuilleagan air an làrach-lìn aig Am Baile ag innse thursachan Chalanais. Tha seann dealbhan ann cuideachd.
-
Film bhon BhBC mu Thursachan Chalanais a bheir cothrom air sealladh cuairt 360˚ timcheall air an làraich. Faodar a dhol tron làraich le putan na luchaig a chumail sìos agus am pointear a ghluasad gu clì no gu deas. (Ann am Beurla).
-
Duilleagan air làrach-lìn ‘Stones Page’ le mion-chunntas mu chearcall agus sreathan thursachan Chalanais. Cuideachd tha ìomhaigh shoilleir ann agus film QTR a cheadaicheas a dhol ann an cuairt 360˚ tron làraich. (Ann am Beurla).
-
Làrach-lìn le cunntasan is ìomhaighean mu chaochladh dhùin, dhaingneach-cnuic, chùirn, thursachan is chearcall cloiche a gheibhear an Alba. (Ann am Beurla).
-
Fiosrachadh air làrach-lìn Alba Aosmhor mu aon de na tursachan ro-eachdraidheil as sine an Alba a gheibhear air Eilean Leòdhais agus air a bheil iomradh mar thursachan air cumadh croise a chaidh a chur suas mu 3000 RC. (Ann am Beurla).
-
Air an làrach-lìn seo tha mion-chunntasan mu ghoireasan a gheibhear aig ionad an luchd-tadhail, anns a bheil ‘Story of the Stones’, taisbeanadh a tha a’ rannsachadh ciamar a chaidh na tursachan a chur suas, ciamar a bhathar gan cleachdadh is dè bha iad a’ ciallachadh do dhaoine rè nan linntean. (Ann am Beurla).
-
Tha an t-artaigeal seo a’ bruidhinn mu Chalanais, an carragh arc-eòlach as ainmeile an Innse Gall. Le caochladh ìomhaighean is bhidio agus mion-chunntas mu thachartasan cudromach air an làraich. (Ann am Beurla).
Find us on