English
Scotlands History
Linn an Umha
Bidh sinn a' cleachdadh Linn an Umha airson innse mu leasachadh teicneòlais an duine. Thar ùine, bha daoine ag ionnsachadh mu mheatailtean, mar a leaghadh iad iad agus mar a mheasgaicheadh iad iad agus an uair sin, mar a chuireadh iad cumadh orra. Mean air mhean, bho c 2000 RC, thòisich daoine a' dèanamh innealan agus bhuill-airm le umha an àite cloich.
'S e measgachadh de chopar agus de staoin a tha ann an umha agus bu toigh le daoine e oir bha e furasta a chumadh. Bha e na b' fhasa a chleachdadh na clach airson innealan a dhèanamh agus bha e na b' èifeachaiche agus na bu mhionaidiche.
Bidh sinn a' smaoineachadh air Linn an Umha ann am Breatainn mar an ùine eadar c 2100 agus 750 RC. Tha a' chuid mu dheireadh a' dol a-steach do Nuadh Linn na Cloiche.
-
Dealbh de shoithichean o Linn an Umha air a thogail le M.E.M. Donaldson sa chiad leth dhen 20mh linn air làrach-lìn Am Baile.
-
Tha làrach-lìn ‘BBC History’ a’ rannsachadh Linn an Umha agus na h-atharrachaidhean mòra a thug e a Bhreatainn. (Ann am Beurla).
-
Tha an loidhne-thìm eadar-oibreachail seo bho làrach-lìn ‘BBC History’ gad thoirt bho thràth ann an Linn na Cloiche gu Ceannsachadh nan Normanach, a’ rannsachadh làraichean arc-eòlach agus ionmhasan bhon àm a dh’fhalbh, an uair sin a’ toirt cothrom dhut deuchainn a thoirt dhut fhèin mu na h-amannan is na tachartasan sa gheama ‘Linntean an Ionmhais’. (Ann am Beurla).
-
Trusadh de ìomhaighean de nithean bho Linn an Umha a lorgadh air feadh Bhreatainn, bho làrach-lìn Taigh-tasgaidh Bhreatainn. (Ann am Beurla).
-
Artaigeal mu Thasgadh Tarves, cruinneachadh de rudan deireannach Umha a fhuaireadh air tuathanas an Siorrachd Obar Dheathain, air làrach-lìn Taigh-tasgaidh Bhreatainn. (Ann am Beurla).
-
Trusadh de ìomhaighean co-cheangailte ri làraich Linn an Umha agus rudan a rinneadh, air ‘Flickr’.
-
Trusadh de ìomhaighean bho làrach-lìn Taighean-tasgaidh Nàiseanta Alba de rudan a rinneadh eadar 950 agus 750 RC.
Find us on