English
Scotlands History
Ban-dia Bhaile Chaolais
'S i Ban-dia Bhaile Chaolais an t-ainm a tha air snaidheadh mòr fiodha a chaidh a lorg ann an còinneach na mònach air taobh tuath Loch Lìobhann ann an 1880.
Tha i a-nis ann an Taigh-tasgaidh Nàiseanta na h-Alba agus tha i a' toirt sealladh dhuinn air creideamhan agus ealain ann an Linn an Iarainn. 'S e cruth àrd, caol de dh’fhiodh feàrna dorcha a tha seo. Tha dà shùil de chuartsait gheal anns an fhiodh.
Canaidh cuid gu bheil a' bheinn a tha faisg air, Beinn a' Bheithir, air a h-ainmeachadh air Cailleach Bheithir – seann bhan-dia nan gaothan agus nan stoirmean. Saoil an e Ban-dia Bhaile Chaolais samhla tràth dhi?
-
Duilleag bhon leabhar Gniomhan Comann Saidheans agus Club Achaidh Inbhir Nis, deasaichte le Seumas Barron. Leabhar 2, an t-Samhain 1880 gu Samhain 1883. Tha pìos sgrìobhta ann mu Ban-dia Bhaile Chaolais ann am Beurla.
-
Sgrùdadh mu dhraoidhean, buidheann a tha fhathast dìomhair agus nach eilear a’ tuigsinn, le duilleag mu bhan-dia Bhaile a’ Chaolais.
-
Trusadh de ìomhaighean bho làrach-lìn ‘National Museums Scotland’ den chruth fhiodha ris an canar ban-dia Bhaile a’ Chaolais.
-
Tha an cunntas seo, le Sir Raibeart Christison ann an 1881, ag innse mu mar a fhuaireadh ‘seann ìomhaigh fhiodha aig còinneach-mònach Bhaile a’ Chaolais’, ag innse mun chruth agus a’ beachdachadh air ciamar agus carson a chaidh a dhèanamh.
Find us on