Diathan is ban-diathan Ròmanach

Thug na saighdearan Ròmanach an creideamhan fhèin leotha a Bhreatainn, ag adhradh do dhiathan na Ròimhe, na Grèig agus Phersia. Chaidh ionadan coisrigte beaga a thogail taobh a-muigh nan daingnichean aca, agus chaidh ìomhaighean de Mhàrs, de Dhia a' Chogaidh agus de Mhinerva, Ban-dia a' Ghliocais - na dhà dhiubh mòr aig na saighdearan - a chur suas nam broinn.

Bha seachd deuchainnean cruadail aig luchd-leanmhainn Mithras agus a' chreideimh Mithraic (seann chreideamh aig Ioran aosmhor) ri chosnadh, agus nuair a dhèanadh iad sin, bhiodh tuilleadh nithean dìomhair air a nochdadh dhaibh. Tha leacan-astair air Balla Antoninus a' sealltainn dhiathan is bhan-diathan Ròmanach - Màrs agus A' Bhuaidh Sgiathach.

Bha cuid de na diathan Ceilteach mar Bhreatàinia, air an toirt a-steach cuideachd, agus bhiodh an ionadan coisrigte fhèin aig muinntir Cheilteach Bhreatainn, ionadan ri taobh thobraichean, uillt agus chladhan. Ach mun 4mh linn AD, chaidh na seann diathan a-mach beag air bheag, fo bhuaidh a’ Chreideimh Crìosdail, agus b' e Crìosdachd a thàinig gu bhith na chreideamh oifigeil san Ìompaireachd Ròmanaich.

Èist ri dannsa slaodach Ròmanach air a chluich air fairil agus air feadan fiodha.