Fir-tàilisg Leòdhais

Ann an 1831 chaidh stòr de dh’fhir-tàilisg bhon 12mh linn a lorg ann an ciste cloiche anns a' ghainmhich ann am Bàgh Ùige, air cost an iar Leòdhais. Bha dùil aig a' chloinn a lorg iad gur e sìdhichean a bh' annta.

Anns an stòr a bh' air a shnaidheadh gu mionaideach à ìbhri each-mara, bha faisg air ceithir buidhnean-tàilisg anns an stòr – 8 rìghrean, 8 banrighrean, 16 easbaig, 15 ridire, 12 ròcais agus 19 pàn. Bha na dealbhan mionaideach a' sealltainn anmhidhean agus duilleach snaidhte air cathraichean. Bhiodh cathraichean àrda, sgeadaichte aig na ceannardan Lochlannach. Chan eil fios carson a chaidh na fir-tàilisg a thiodhlacadh an seo; tha dùil gur e ceannaiche-siubhail a chuir air falach iad anns an dol-seachad agus nach d' fhuair air tilleadh.

Bha na h-Eileanan an Iar fo riaghladh Lochlannach airson timcheall air 200 bliadhna gu cùmhnant Pheairt ann an AD 1266, nuair a chaidh an toirt seachad do rìgh Alba, Rìgh Alasdair lll.

Tha na fir-tàilisg air an taisbeanach ann an Taigh-tasgaidh Alba ann an Dùn Èideann agus ann an Taigh-tasgaidh Bhreatainn ann an Lunnainn.

Èist ris Lux Illuxit, an ceòl airson latha cuirm Naomh Olav, air a chluich air a’ chlàrsaich agus an gemshorn.