English
Scotlands History
Eilean Idhe
Ann an AD 563, stèidhich manach Èireannach Colum Cille agus an dusan a bha ga leantainn eaglais agus manachainn air Eilean Idhe anns Na h-Eileanan a-Staigh.
'S dòcha gun robh Eilean Idhe na eilean naomh ro àm a' Chreideimh Chrìosdaidh. Bha e air an t-slìghe-mhara eadar Èirinn agus Taobh an Iar Alba.
Thòisichear a' cleachdadh Eilean Idhe mar ionad-trèanaidh do mhanaich, a bhiodh a' fuireach ann am bothain bheaga chruinne air an dèanamh de chloich far am biodh sàmhchair aca airson a bhith ag ùrnaigh agus a' cumail rim bòidean; b' iad sin ùmhlachd agus bochdainn. Thòisich mòran a’ tighinn don eilean air chuairtean diadhaidh agus bha an t-eilean air fhaicinn mar an àite far an do thòisich an Creideamh Crìosdaidh, àite naomh far an robh rìghrean Gàidhlig, Èireannach agus Lochlannach air an tiodhlacadh. Bhiodh e air ainmeachadh mar Idhe Choluim Chille.
Tha iomadh sgoilear a' creidsinn gun deach Leabhar a’ Cheannanais a chruthachadh, no co-dhiù a thòiseachadh ann an seòmar-sgrìobhaidh Eilean Idhe anns an 8mh linn. Bho AD 794 chaidh stuth luachmhor a bh' anns a' mhanachainn a chreachadh iomadh uair le na Lochlannaich. Aig àm an Ath-leasachaidh chaidh togalaichean Eilean Idhe a chreachadh a-rithist.
Thog na Benedictines an Abaid a th' ann an Eilean Idhe an-diugh, agus chaidh a h-ath-thogail anns an 20mh linn. An-diugh tha i air a cleachdadh mar àite-adhraidh.
Brùth air an ìomhaigh airson dealbh nas motha fhaicinn.
Download Adobe Flash Player to listen to the audio online.
Title
Neolithic ritual - bullroarers
Èist ri Pater Columba, canntaireachd Ceilteach bho Antiphoner Inchcolm air a chluich air a’ chlàrsaich Chruithnich.
-
Chaidh an dealbh seo a thoirt o 'A Tour in Scotland' le Tòmas Pennant. Tha Àrd-eaglais Ì, a th' air a togail ann an cruth croise, ri faicinn ann. -
Chaidh an làrach-lìn dà-chananach seo a chruthachadh le Alba Aosmhor. ’S e Eilean Ì aon de na h-eileanan as lugha ann an Alba air a bheil daoine a’ fuireach. Ach tha àite cudromach aige a thaobh eachdraidh. B’ ann an seo a stèidhich Calum Cille a mhanachainn, a bha mar mheadhan air a’ chreideamh Chrìosdail a sgaoileadh fad is farsaing. Faigh a-mach tuilleadh.
-
Fiosrachadh mu Eilean Idhe, cridhe spioradail Crìosdalachd Alba, bho ‘BBC History’.
-
’S e abaid Idhe aon de na làraich as eachdraidheil ’s as naoimhe ann an Alba. Faigh fiosrachadh mun abaid bho ‘Historic Scotland’. (Ann am Beurla).
-
Ìomhaighean didseatach is fiosrachadh mu Eilean Idhe agus mun abaid eachdraidheil.
-
Rannsaich Eilean Idhe, bho chosta an iar Alba; ionad samhlachail Crìosdalachd na h-Alba.
Find us on