English
Scotlands History
An Dara Cogadh (1939-1945)
Bha àite mòr aig Albannaich anns a' bhuaidh a bha aig na Co-chòmhragaichean – bho Afraga a Tuath gu sabaid aig an taigh.
Fhad 's a bha Breatainn ag ullachadh airson cogadh, bha bàtaichean, gunnaichean, èinnseanan agus armachd gan dèanamh aig na gnìomhachasan troma air Abhainn Chluaidh. Sia seachdainean an dèidh dhan chogadh tòiseachadh bha chiad bhragan anns an adhar ann am Breatainn rin cluinntinn os cionn Linne Fhoirthe agus pìleatan na h-Alba a' sabaid ris an Luftwaffe.
Chaidh HMS Royal Oak - sa Chaol Arcach - agus SS Athenia a chur fodha le bàtaichean-U Gearmailteach anns a' Chaol Arcach. Chaill na ceudan am beatha.
Chaidh clann na h-Alba a ghluasad às na dachaighean agus daoine a' feitheamh ri na bomaichean. Thuit bomaichean an Luftwaffe air Bruaich Chluaidh, Glaschu, Grianaig, Dùn Èideann, Obar Dheathain agus Dùn Dè. Chaill na mìltean de shìobhailtich am beatha agus deichean de mhìltean de fhireannaich, de bhoireannaich, agus de chloinn air am fàgail gun dhachaighean.
Bha buill de àrm, nèibhidh agus feachd-adhar na Pòlainn air an suidheachadh ann an Alba. Bha iadsan a' losgadh air na bomairean Nàsach agus bha iad a'sabaid ann am Blàr Bhreatainn.
Fhad 's a bha fireannaich na h-Alba a' sabaid anns an adhar, air an talamh agus aig muir, bha Feachd Fearainn nam Ban agus clann-sgoile na h-Alba a' cuideachadh leis an arbhar agus a' togail a' bhuntàta. Bha boireannaich ag obair, anns na factaraidhean, anns an t-Seirbheis Shaor-thoileach, anns an t-Seirbheis Fearainn agus ann am Feachd Adhar Nam Ban. Bha 10,000 boireannach ag obair ann am factaraidh Rolls-Royce ann an Hillington. Bha na h-einnseanan Merlin air an dèanamh an sin, a bha a' toirt cumhachd do na ‘Spitfires’ agus na ‘Bomairean Lancastar’.
Thàinig am ‘Messerschmitt’ aig Rudolph Hess, iar-cheannard Hitler, sìos ann am Pàirc ann an Eaglesham. Thàinig e a-nuas ann am paraisiut agus ghlac tuathanach e.
'S e Albannaich a thòisich an SAS, an iomairt Cladhaich Airson Buaidh agus na h-Ionadan Fasgaidh Anderson. Bha commandothan air an trèanadh ann an Alba agus bha ullachadh ga dhèanamh airson Latha-D air tràighean na h-Alba, mar a bha Eige, Ruma, Loch Fìne, Bàgh Kentra, an Linne Mhoireach agus Arainn.
Brùth air an ìomhaigh airson dealbh nas motha fhaicinn.
Know your allies
Or, download Adobe Flash Player to watch the video online.
-
Tha tòrr mòr ri fhaighinn air làrach-lìn Strì gu Sìth aig BBC Alba a tha ceangailte ri an dàrna cogaidh. Gheibh sibh fiosraichaidh òrain agus eile.
-
Ann an seo gheibhear ath-sgrìobhadh de agallamh le Donnchadh MacRisnidh a chaidh a thogail dhan chogadh ann an 1939. Bha an agallamh air a' chlàradh air teip-claistinn agus tha sin follaiseach san dòigh còmhraideach agus neo-fhoirmeil sa bheil e air a sgrìobhadh.
-
Dealbhan agus fiosrachadh air an dàrna cogadh.
-
Ann an seo gheibhear bàrdachd a' chaidh a' sgrìobhadh mu chogadh.
-
Leugh cunntas anns ‘An Albannach’ mu chraoladh ‘VE Day’ le Rìgh Seòras VI agus teachdaireachd Churchill gu sluagh Bhreatainn air Diciadain 9 Cèitean 1945.
-
Leugh naidheachd duilleag-aghaidh anns ‘An Albannach’ le teachdairean an Rìgh a' cur an cèill Buaidh feachdan nan Co-chòmhragaichean san Roinn Eòrpa. Cuideachd leugh craoladh Churchill mu ghèilleadh, gun chùmhnantan, nan Gearmailteach agus mu bhlàr leantainneach nan Co-chomhragaichean ri Iapan.
-
Rannsaich nithean dèante bhon Dàrna Cogadh mar phostairean, litrichean, bhuinn agus armachd.
-
Èist ri ceòl is guthan bhon Dàrna Cogadh. Le Cogadh ga chur an cèill leis a' Phrìomhaire Chamberlain agus subhachas mòr ann am Piccadilly air latha ‘VJ’.
-
Bi nad rannsaichear eachdraidhe air air an Dàrna Cogadh le bhith a' sgrùdadh dhealbhan-tìme, ag ionnsachadh nithean spòrsail agus a' cluiche cheisteachain is gheamachan.
-
Bi nad bhrathadair Gearmailteach an Alba leis a' ghèam eadar-oibre seo agus ionnsaich mu bheatha rè a' Chogaidh ann an Alba.
-
Leugh mu phàirt riatanach Lodainn an Ear san Dàrna Cogadh bho bhith a' dèanamh armachd agus a' trèanadh shaighdearan gu bhith ag èisteachd ri craolaidhean Gearmailteach agus tuathanas.
-
Seall ri criomagan de fhilmean propaganda Breatannach, agallamhan agus pìosan clàrte mu gach taobh den Dàrna Cogadh.
Find us on