English
Scotlands History
Dolaidh a' Chaora
Sa Ghearran 1997 thuirt luchd-saidheans ann an Ionad Roslin faisg air Dùn Èideann gu robh iad air caora a chlònadh. B' e Dolaidh a' chiad mhamal bha air a clònadh bho chealla a thugadh bho inbheach.
Bha Dolaidh a' chaora ainmeil air ball. Bha i air na naidheachdan air feadh an t-saoghail. Bha luchd-naidheachd agus criuthan telebhisein às gach àite ag iarraidh film a dhèanamh dhith mar a bha i beò bho latha gu latha. Bha i coltach ri caora Finnish Dorset sam bith eile, ach gun teagamh ’s e bha seo ach saidheans a' gluasad air adhart.
Gu ginteal 's e mac-samhail de chaora eile bha innte. Rugadh i air 5 Iuchar 1996. Choisinn an Dotair Iain Wilmut, eòlaiche-embrio, an OBE agus rinneadh ridire dheth. Thuirt Wilmut gur e Keith H S Caimbeul, a bha ag obair còmhla ris, bu chòir bhith air a mholadh airson cho math 's a rinn an sgioba.
Bha Dolaidh beò airson sìa bliadhna agus bha uain aice air an robh Bonnie, Salaidh, Rosaidh, Lusaidh, Darsaidh agus Cotan. Thàinig tinneas sgamhain oirre a bha a’ sìor fhàs na bu mhiosa agus chaidh crìoch a chur air a beatha ann an 2003. An-diugh chì thu Dolaidh a' Chaora ann an Taigh Tasgaidh Nàiseanta Na h-Alba.
Fhuair i cliù mar ‘a' chaora as ainmeile air an t-saoghal’.
-
Rannsaich an saidheans co-cheangailte ri Doilidh a' Chaora agus faigh a-mach tuilleadh mu bheathaichean eile air an clònadh.
-
Criomag ghoirid bhidio a' mìneachadh clònadh nàdarrach agus brèige, a' cleachdadh chàraidean cho-ionann agus Doilidh a' Chaora mar eisimpleirean.
-
An iris ‘Nature’ a' cur an cèill breith Doilidh a' Chaora, a' sealltainn mar is e irisean a-nis an dòigh chumanta air adhartasan saidheansail innse.
-
Cò th' ann an Doilidh a' Chaora? Ro-ràdh goirid mu fhiosrachadh mu Dhoilidh agus ceangalan feumail ri duilleagan buntainneach eile Taigh-tasgaidh Nàiseanta na h-Alba.
-
B' e nì iongantach saidheansail a bh' ann an Doilidh a’ Chaora. Rannsaich a beatha 's a bàs le ‘Science Museum Antennae’ agus faigh a-mach tuilleadh mu bheusan clònadh.
Find us on