Foghlam tro mheadhan na Gàidhlig
Gheibhear foghlam tro mheadhan na Gàidhlig ann an 63 bun-sgoil (seisean 2008-09), a’ gabhail a-steach nan Sgoiltean Gàidhlig ann an Glaschu is Inbhir Nis. Tha cuideachd fàs a’ tighinn air a’ Ghàidhlig aig ìre sgoil-àraich, àrd-sgoiltean is colaistean.
A’ faighinn foghlam Gàidhlig airson ur cloinne
Ma tha sibh airson ur clann oideachadh tron Gàidhlig, cuiribh fios chun ùghdarras foghlaim agaibh.
Tha foghlam tro mheadhan na Gàidhlig, mar a h-uile solar foghlaim eile ann an Alba, air a sholar a rèir an iarrtais a tha ann airson an t-seirbheis is tha seo air a chothromachadh a rèir comais gach aonad foghlaim bho thaobh an fhoghlaim agus an eaconamaidh.
Stèidhich Achd na Gàidhlig (Alba) 2005 buidheann reachdail, Bòrd na Gàidhlig, le dleastanasan a thaobh a bhith a’ brosnachadh cleachdadh is tuigse na Gàidhlig, cultar na Gàidhlig is foghlam tro mheadhan na Gàidhlig.
Faodaidh sibh post-dealain a chur no sgrìobhadh chun Bhòrd aig - Darach, Fèith nan Clach, Inbhir Nis IV2 7PA.
Tha Stòrlann Nàiseanta na Gàidhlig na bhuidhinn maoinichte leis an Riaghaltas a bhios a’ solar leabhraichean, stòrasan, taic is comhairle mun churraicealam do sgoilearan agus tidsearan Gàidhlig. Tha làrach-lìn aca a tha ag amas air blas dhan Ghàidhlig a thoirt do phàrantan aig a bheil clann ann am foghlam tro mheadhan na Gàidhlig no daoine aig a bheil ùidh ann an sgoiltean far a bheilear a’ bruidhinn Gàidhlig.
’S e lìonra phàrantan a tha ann an Comann nam Pàrant a bheir dhuibh an comas a dhol an lùib phàrantan eile le Gàidhlig ann an roinnean eadar-dhealaichte air feadh Alba.
Find us on